ਛੇੜ ਨਾ ਗੱਲ ਕੋਈ ਤੂੰ ਦਰਦਾਂ ਦੀ,
ਮੈਂ ਤਾਂ ਦਰਦਾਂ ਨੂੰ ਪਿੰਡੇ ਤੇ ਹੰਢਾਇਆ ਹੈ.
ਲੋਕ ਕਹਿਣ ਇਹ ਹੈ ਦਰਦ ਇਸ਼ਕੇ ਦਾ,
ਜੀਹਨੇ ਜਿੰਦ ਮੇਰੀ ਨੂੰ ਮਾਰ-ਮੁਕਾਇਆ ਹੈ.
ਪਹਿਲਾਂ ਹੀ ਬਹੁੱਤ ਪੀੜਾਂ ਮੇਰੇ ਦਿਲ ਅੰਦਰ,
ਤੂੰ ਹੋਰ ਗੇੜ ਪੀੜਾਂ ਦੇ ਗੇੜਣ ਆਇਆ ਹੈ.
ਕਿਸੇ ਨੇ ਹੰਜੂਆਂ ਨੂੰ ਸਮਝਣ ਦੀ ਲੋੜ ਨਾ ਸਮਝੀ,
ਹਰ ਜੀਅ ਮੇਰੀ ਪੀੜ ਵੇਖ ਮੁਸਕਾਇਆ ਹੈ.
ਨਾ ਇਹ ਦਿਨ ਮੇਰਾ ਤੇ ਨਾ ਇਹ ਰਾਤ ਮੇਰੀ,
ਮੇਰਾ ਚੰਨ ਵੀ ਸੂਰਜ਼ ਨੇ ਕਿਤੇ ਲੁਕਾਇਆ ਹੈ.
ਗਹਿਰੇ ਹੰਦੇ ਜਾ ਰਹੇ ਨੇ ਗ਼ਮ ਇਹ ਮੇਰੇ,
ਗ਼ਮਾਂ ਇਸ ਤਰਾਂ ਜਿੰਦ ਨੂੰ ਘੇਰਾ ਪਾਇਆ ਹੈ.
ਜਿੰਦ ਗ਼ਮਾਂ ਦੇ ਭੰਵਰ ਵਿੱਚ ਹੁਣ ਫੱਸ ਚੱਲੀ,
ਪਰ ਕਿਸੇ ਨੇ ਭੰਵਰੋ ਕੱਢਣਾ ਨਾ ਚਾਹਿਆ ਹੈ.
"ਸੰਧੂ" ਕੌਣ ਸੁਣਦਾ ਹੈ ਦਰਦ ਕਿਸੇ ਦੇ,
ਫਿਰ ਤੂੰ ਕਿਉਂ ਸੁਣਣੇ ਦਾ ਰੱਟਾ ਲਾਇਆ ਹੈ.


ਜਿੰਦਗੀ ਨੂੰ ਹਰ ਪਲ ਜੀਊਣ ਲਈ,
ਕੁੱਝ ਤੇਰੇ ਸਹਾਰਿਆਂ ਦੀ ਲੌੜ ਹੈ.
ਸਾਹ ਤਾਂ ਊਂਝ ਵੀ ਲੈਂਦੇ ਹੀ ਹਾਂ,
ਪਰ ਕੁੱਝ ਪਿਆਰਿਆਂ ਦੀ ਲੌੜ ਹੈ.
ਮੰਜਿਲ ਨੂੰ ਸੌਖਿਆਂ ਹੀ ਪਾਵਣ ਲਈ,
ਸਾਨੂੰ ਤੇਰੇ ਇਸ਼ਾਰਿਆਂ ਦੀ ਲੌੜ ਹੈ.
ਲਹਿਰਾਂ ਬਣ ਬਹੁਤ ਵੱਗ ਲਏ ਅਸੀ,
ਹੁਣ ਬਸ ਕਿਨਾਰਿਆਂ ਦੀ ਲੌੜ ਹੈ.
ਤੂੰ ਇਕ ਚੰਨ ਹੀ ਬਹੁਤ ਹੈ ਚਾਨਣ ਨੂੰ,
ਨਾ ਬਹੁਤੇ ਤਾਰਿਆਂ ਦੀ ਲੌੜ ਹੈ.
ਬਹੁਤ ਔਖਿਆਂ ਖੁਦ ਨੂੰ ਸਮੇਟਿਆ ਏ,
ਨਾ ਹੋਰ ਖਿਲਾਰਿਆਂ ਦੀ ਲੌੜ ਹੈ.
ਵਾਦਾ ਕਰ ਸਕੇਂ ਤਾਂ ਪੱਕਾ ਕਰੀਂ "ਜੀਤ" ਨੂੰ,
ਨਾ ਝੂਠੇ ਤੇਰੇ ਲਾਰਿਆਂ ਦੀ ਲੌੜ ਹੈ.


ਦਿਲੋਂ ਨਜ਼ਦੀਕੀਆਂ ਪਾਈਆਂ ਸੀ ਜੀਹਨਾਂ ਨਾਲ,
ਹੁਣ ਉਹਨਾਂ ਹੀ ਸਾਥੋਂ ਦੂਰੀ ਵਧਾ ਲਈ ਏ.
ਬਿਨਾ ਬੁਲਾਇਆਂ ਬੋਲਦੇ ਸੀ ਜੋ ਨਾਲ ਮੇਰੇ,
ਉਹਨਾਂ ਨੇ ਬੁੱਲਾਂ ਤੇ ਚੁੱਪੀ ਹੁਣ ਪਾ ਲਈ ਏ.
ਤਕਦੀਰ ਦੀ ਖੇਡ ਨੇ ਪਿਆਰ ਕੀਤਾ ਲੀਰਾਂ,
ਜਿੰਦ ਵੀ ਹੁਣ ਗ਼ਮਾਂ ਦੇ ਲੇਖੇ ਲੁਆ ਲਈ ਏ.
ਫੁੱਲ ਸੱਧਰਾਂ ਦੇ ਸਾਰੇ ਪੈਰਾਂ ਹੇਠ ਗਏ ਮਿੱਦੇ,
ਚੋਟ ਗੁੱਝੀ ਏਸੀ ਇਸ਼ਕੇ ਵਿੱਚ ਖਾ ਲਈ ਏ.
"ਸੰਧੂਆ" ਖਾਲੀ ਹੱਥ ਰਹੇ ਹਮੇਸ਼ਾ "ਜੀਤ" ਦੇ,
ਖਹੁਰੇ ਕੈਸੀ ਕਿਸਮਤ ਰੱਬ ਤੋਂ ਲਿਖਾ ਲਈ ਏ.


ਕਲਯੁਗ ਦੀ ਏਸੀ ਵਗੀ ਹਨੇਰੀ,
ਬੰਦਾ ਰੱਬ ਨੂੰ ਭੁੱਲ ਗਿਆ.
ਹੱਥੀਂ ਮਿਹਨਤ ਕਰਨੀ ਭੁੱਲਕੇ,
ਐਸ਼ੋ-ਆਰਾਮ ਤੇ ਡੁੱਲ ਗਿਆ.
ਪਾਖ਼ ਪਿਆਰ ਦਿਲਾਂ ਚੋਂ ਕੱਢਕੇ,
ਜਣੇ-ਖਣੇ ਨਾਲ ਖੁੱਲ ਗਿਆ.
ਹੀਰੇ ਵਰਗਾ ਦਿਲ ਲੈਕੇ ਵੀ,
ਵਾਂਗ ਕੱਖਾਂ ਦੇ ਰੁੱਲ ਗਿਆ.
"ਸੰਧੂ" ਈਮਾਨ ਵੇਚਕੇ ਬੇਇਮਾਨੀ ਨੂੰ,
ਵਿੱਕ ਕੌਡੀ ਦੇ ਮੁੱਲ ਗਿਆ.


ਸੁੰਨੇ ਪਏ ਦਿਲ ਦੇ ਵਿਹੜੇ ਵਿੱਚ,
ਫਿਰ ਤੋਂ ਬਹਾਰ ਲੈਕੇ ਆਈ ਹੈ ਤੂੰ.
ਪੱਤਝੜ ਵਾਂਗ ਦਿਲ ਮੁਰਝਾ ਸੀ ਚੱਲਿਆ,
ਪਰ ਨਵੀਂ ਨੁਹਾਰ ਲੈਕੇ ਆਈ ਹੈ ਤੂੰ.
ਕੋਈ ਨਹੀਂ ਚਾਹੁੰਦਾ ਮੈਨੂੰ ਚੰਦਰੇ ਨੂੰ,
ਮੇਰੇ ਲਈ ਪਿਆਰ ਲੈਕੇ ਆਈ ਹੈ ਤੂੰ.
ਮੇਰੇ ਨਾਲ ਬੋਲਕੇ ਕੋਈ ਰਾਜ਼ੀ ਨਹੀਂ,
ਬੁੱਲਾਂ ਤੇ ਇਕਰਾਰ ਲੈਕੇ ਆਈ ਹੈ ਤੂੰ.
ਮੁਸਕਾਨ ਉੱਡ ਚੁੱਕੀ ਸੀ ਮੇਰੇ ਬੁੱਲਾਂ ਤੋਂ,
ਮੁਸਕਾਨ ਇੱਕ ਵਾਰ ਲੈਕੇ ਆਈ ਹੈ ਤੂੰ.
ਕਿਵੇਂ ਮੋੜ ਦੇਵਾਂ ਤੈਨੂੰ ਤੂੰ ਹੀ ਦੱਸ ਅੜੀਏ,
ਖੁਸ਼ੀਆਂ ਕਈ ਹਜਾਰ ਲੈਕੇ ਆਈ ਹੈ ਤੂੰ.
ਜਦ "ਸੰਧੂ" ਨੇ ਜੀਉਣ ਦੀ ਉਮੀਦ ਛੱਡੀ,
ਉਦੋਂ ਬਾਹਵਾਂ ਦਾ ਹਾਰ ਲੈਕੇ ਆਈ ਹੈ ਤੂੰ.


ਕੀਤੀ ਮੇਰੀ ਗਲਤੀਆਂ ਨੂੰ ਤੁਸੀਂ ਮਾਫ ਕਰੋ,
ਮੇਰੇ ਕੀਤੇ ਗੁਨਾਹਾਂ ਵਾਲੇ ਵਰਕੇ ਸਾਫ ਕਰੋ,
ਜੋ ਵੀ ਤੁਹਾਡਾ ਹੁਣ ਦਿਲ ਹੈ ਕਹਿੰਦਾਂ,


ਉਹੀਉ "sandhu" ਨਾਲ ਇਨਸਾਫ ਕਰੋ